الهالات السوداء ح احكي عن اسبابا بالأول 💁‍♀️ منقطة العين منطقة كتير رقيقة وحساسة وفيها شعيرات دموية حساسة كتيير
اهم اسباب الهالات :

-  الانيميا ( فقر الدم ) قبل ما تبلشو تعالجو بالهالات عملو تحليل لفقر الدم 👌
-  فرك العين احيانا لما العين تحكنا او نبكي منصير نفركها كتير هالشي بيأدي لتكسر الشعيرات الدموية ولأنو الجلد رقيق رح يبين الدم ع لون ازرق او اسود

- كريم العين : في ناس بحطو الكريم ع كل العين وهالشي غلط ❌ الكريم بينحط بس عالعظمة 🙅‍♀️ المسو تحت عينكن بتلاقو عظمة حوالي العين هون بينحط كريم العين وبعد دقايق العين بتمتص الكريم لوحدها
وفي بنات لما يجو يشيلو المكياج بيجيبو محرمة عادية وبيصيرو يفركو منقطة العين كتير هالشي بيعمل هالات وتجاعيد تجنبي هالشي🙂

لحتى تعتنو فيها :
١. اول شي بدكن تتأكدو انو ما معكن  فقر دم لانو اذا معكن ما رح تستفادو شو ما عملتو
٢. تانيا لازم تعاملو هالمنطقة بلطف كتييير وقت تنشفو ووقت تشيلو المكياج ودايما
٣. تالتا وقت تحطو كريم العين حطوه متل ما قلتلكن عالعظمة وطبطبة مو فرك 💁‍♀️ هدول احسن كريمات للعين مجربة نصهن تقريباً 😂بس كتير مناح صحي اسعارهن غالية شوي بس بيستاهلو
انا بستخدم يلي من Estee lauder
بتلاقوه بالدوغلاس.

#العيون #الهالات السوداء