تجربتي مع كريم كولاجن Collagen 

صباح الجمال عليكم كلكم 🥰🥰
بعد مدة طويلة جدا مَش بنزل حاجة ولا بتفاعل انا اسفة يحاول ارجع اتحمس تاني وارجع اتفاعل يلا تشجيع كثير بقى 😂😂👏🏼👏🏼

ريفيو النهاردة عن كريم واحد من الكريمات اللي اخد ضجة كبيرة جداا جداا انه سحري 🪄 ومناسب لكل مشاكل البشرة وكل انواع البشرة
لكن الحقيقة من تجربتي مَش كده ☹️

ومن البداية كده مَش مناسب لاصحاب البشرة الدهنية والمختلطة مايلة الدهنية ❌❌اللي انا منهم
هيكون قوامه ثقيل على البشرة لتمتصه وتحسسه بيعرق البشرة ‼️
علشان كده كنت يستخدمه بطريقين
في الشتاء علشان الجفاف ممكن يكون مناسب لان بشرتي المختلطة مايلة للدهنية بتقلب بتكون مختلطة مايلة للجفاف فينفع استخدمه
بس بستخدمه بليل بس مش مرتين زي ما معروف ✅
ثانيا في الايام العادية بستخدمه ك spot treatment يعني لو عندي مكان بس فيه جفاف وباقي بشرتي تمام
بستخدمه على المكان ده بس
يومين تلاثة بلاقي الجفاف والجلد الناشف بدا يتحسن ✅
علشان استخدامي ليه كده الكمية قعدت معايا شهور ولسه مخلصتش
هو ١١٤ جم
مناسب البشرات الجافة وشديدة الجفاف كمرطب حلو جدا ✅✅

بالنسبة انه كولاجين والوعود بعلاج الشيخوخة والعلامات التعبيرية والكلام ده والنضارة وتوحيد لون البشرة 🤔
لا الصراحة لان الكولاجين اصلا جزيئاته كبيرة مش هتخترق الجلد بسهولة علشان كده بستخدمه في الحقن يوصل للمكان علطول
وهنا في الكريم ده مش مذكور اي شىء ان الجزيئات معدلة بشكل مناسب للبشرة او حاجة
فملوش اي تاثير على العلامات التعبيرية خالص ولا توحيد لون البشرة ❌😓

اعتقد انه غير مناسب للبشرة الحساسة لانه فيه مكونات كحول ❌

مكوناته الاخرى : زيدك الشيا - الكولاجين فيتامين E - بانثينول

خلاصة تجربتي معاه
مرطب حلو بس فقط للبشرة الجافة وشديدة الجفاف بس مفيش وعود باكثر من كده👍🏼😻

اللي عنده سؤال يسيبه
دمتم جميلات

#البشرة #الجمال #الجمال والصحة #جفاف البشرة #مرطب الجلد