مرطب يالورون

مرطب يالورون

05-09-2020
حلا سهيل دعبول

اليوم رح نحكي عن مرطب يالورون حرفياً اكتر منتج طلبتو مني ريفيو عنو 👌🏻🔥
فقبل ما نبلش حطو لايك❤️ الكل


تجربتي معو✅:


1. بالنسبة لترطيبو عادي جداً
بيحتوي على حمض الهيالورونيك وهاد شي منيح

2. قوامو كتير سائل
واول ما بتحطوه بكون دبق بس بعدين بيمشي الحال

3. ⚠️ لما جبتو ماكنت منتبها انو بيحتوي على بروبيل بارابين، ميتل باربين ومعطر 🤦🏻‍♀️
بعيداً عن هالمرطب خلينا نحكي عن مادة الباربين بشكل عام هيي مادة حافظة رغم اضرارها عالبشرة بس اساتا موجودة باغلب المنتجات الوطنية لانها رخيصة (غير مكلفة) وبنفس الوقت بتحفظ المنتج لفترة طويلة وبتحميه من تشكل الفطريات والجراثيم بقلبو.


رح اذكرلكون بعض اضرار هالمادة عالبشرة:

1_ الشخص العادي اذا تعرض للشمس وما في على وجو ولا شي يعني غاسل وجو وطالع بالشمس بيصير عندو تلف 6% من خلايا بشرتو
اماحسب الدراسات انو اذا وضعت كمية جداً قليلة من الباربين عالبشرة وتعرضت للشمس ف بصير عنا تلف 19% من خلايا بشرتنا وبالتالي بتسبب شيخوخة مبكرة وتجاعيد لهيك ما بستخدمو الصبح بس المسا هني اساساً كاتبين عالعلبة انو ماتحطوه الصبح بدون واقي شمسي

2_ في دراسات بس غير مؤكدة بتقول انو استعمال المنتجات يلي بتحتوي على مادة الباربين ممكن يسبب سرطانات عالمدى البعيد لان الجسم بيخزن مادة الباربين

هالحكي بينطبق على اي منتج بيحتوي على البارابين

🔘غير هيك فيو معطر يلي ممكن ما يناسب اصحاب البشرة الحساسة

وبس ما بقدر انصح حدا فيه🤷🏻‍♀️.

 


تمت اضافة التجربة بواسطة: حلا سهيل دعبول

حساب الإنستجرام: lolo_makeup_expert@

#LOLO_MAKEUP_EXPERT #البارابين #البشرة #مرطب يالورون 


انشر التجربة

تجارب من تصنيف فاشن و ستايل





















اكتب تجربتك