افخر انواع السابليه

افخر انواع السابليه

14-09-2020
ميس البرشة

تجربتي مع افخر انواع السابليه

طريقة التحضير:

500 غ زبدة مع كوب سكر مع ظرف فانيليا
بيضة كاملة +صفار بيضة
كيلو طحين +معلقتين نشا كبار
معلقة زيت


❤الطريقة❤
منخفق الزبدة مع السكر والفانيليا تقريبا 8 دقايق ليصيرو مزيج كريمي فاتح اللون وبعدين منحط البيضة الكاملة مع الصفار
ومنخفق دقيقة بس
منطفي الخفاقة ومنحط الطحين المنخول مع معلقتين النشا بالتدريج كوب كوب ومنلم العجينة بطراف الاصابع او بمعلقة خشب
يعني هون انا مابحتاج اعجن عجن ابدا مشان تضل العجينة ناعمة وخفيفة
ملاحظة مهمة بعد تشكيل كل صينية منحطا بالبراد عشر دقايق قبل ماتدخل الفرن.


الفرن محمى عال180 اول ماتشوفيهن اخدو لون زهر طالعي الصينية ❤ اذا بدك ع شوكولا ضيفي للعجينة معلقة زبدة او سمنة مع تلت معالق كبار كاكاو

منتركهن ليبردو وبعدين منلزق كل قطعة بالتانية بشوية مربى
انا دوبت شوكولا ورسمت خطوط عالسابليه بيطلع شكل وطعم اطيب وزينت بجوز الهند والفستق الحلبي وفي منن تركتن سادة.


تمت اضافة التجربة بواسطة: ميس البرشة

حساب الإنستجرام: misoo_cake@

#حلويات #سابليه 


انشر التجربة

تجارب من تصنيف الطبخ والحلويات