المقروطة الفلسطينية

المقروطة الفلسطينية

14-09-2020
ميس البرشة

تجربتي مع المقروطة الفلسطينية

المقادير :نص كيلو طحين 

ربع كوب سكر بودرة

مع ربع كوب حليب بودرة مع نص معلقة صغيرة محلب ونص معلقة صغيرة مستكة 

معلقة كبيرة سمسم ومعلقة كبيرة حبة البركة 

تلت رباع كوب مي دافية مع نص معلقة صغيرة خميرة 

كوب سمنة مع تلت ملاعق زيت منعجنن سوا ومنريحا اقل شي ساعتين

 

الحشوة تمر مع معلقة كبيرة شمرة ومتلقة كبيرة يانسون

معلقة قرفة ومعلقة سمنة 

الطريقة منمد العجينة بشكل مستطيل ومنمد كمان الحشوة بنفس الشكل والقياس ومنحطن فوق بعض ومنلفهن بشكل رول ومندهن الرول مسحة خفييييفة قطر ومنحط السمسم بهالطريقة بيلزق السمسم ومبقا بيهر❤❤❤ هاد سر من اسرار المحلات لهيك بتكون بشكل كتير مرتب 

منقطعا ومنحطا بدرجة حرارة الفرن 180 من تحت وبس اخد لون منشغل الفرن من فوق 


تمت اضافة التجربة بواسطة: ميس البرشة

حساب الإنستجرام: misoo_cake@

#المقروطة الفلسطينية #حلويات 


انشر التجربة

تجارب من تصنيف الطبخ والحلويات