اكلير عجينة الشو مع كريم باتسيير

اكلير عجينة الشو مع كريم باتسيير

30-09-2020
روجدا شاكر

تجربتي مع اكلير/ عجينة الشو مع كريم باتسيير 

عنجد الطعمة واووو😍 والوصفة ناجحة اكيد 😌

ملاحظات كرمال ماتسألوني:
1. الكريم باتسيير ضاعفو الكمية اذا حابين لانو هالكمية قليلة نوعا ما، رح تشوفوه بالفيديو، بديل هالكريما هو الكاسترد/البودينغ كلكن بتعرفوه...
2. لما تعملو العجينة بقا خلو الزبدة مقطع قطع صغيرة لتدوب بسرعة لانو اهم نقطة انو الخليط عالغاز مااايغلي وبعدين بتضيفولو الطحين...
3. اذا البيض عندكن صغير احتمال تحتاجو ل4 بيضات للعجينة
والتفاصيل بالفيديو رح تفهمو شو بقصد❤🙏

 

للكريم باتسيير

- کاستین حليب بيغلو عالنار

- عالبارد ٢ صفار بيض وظرف فانيلا ونص كاسة سكر ومعلقتين نشا

- بينخفقوا بالأول وبنضيفلن الحليب المغلي على مهل و دفعات

- وبنرجع كامل الخليط عالغاز ليتماسك و يمسك.

- وبنغطي الكريم باتسيير وبينحط بالبراد.

باقي المكونات لاتغيروها والكمية للعجينة كتيير منيحة بحدود 20 قطعة

للكريم نشا بينخفقو بالاول على مهل ودفعات وبنرجع كامل عالغاز ليتماسك ويسمك وبنغطي الكريم باتسيير وبينحط بالبراد .

شوفو الفيديو:

 

 

عجينة الأكلير:

002غ زبدة تقريبا 3/4 الكوب

نص كاسة حليب وكاسة مي ملعقتين سکر

بينحطو عالغاز ليسخنو وقبل مايغلو بنضفلن كاسة ونص طحين و بعدين بنضربن الكهربائي ليبرد وبنضفلن فانيليا و3 بيضات على دفعات و بتصير العجينة جاهزة

الفرن بيكون حامي من فوق تحت درجة 170 و بيطولو شي نص ساعة اي نوع شوكولا خام مع كريما سائلة فيكن تضاعفو كمية الكريما/ وفيكن تستبدلو بالبودينغ الجاهز‎'‎.


تمت اضافة التجربة بواسطة: روجدا شاكر

حساب الإنستجرام: torten_rojda@

#حلا البسكويت #حلويات #حلويات باردة #مطبخ سوري 


انشر التجربة

تجارب من تصنيف الطبخ والحلويات